राष्ट्र बैंकको आरटीजीएस प्रणाली बुधबार र शनिबार पनि सुचारु हुने

काठमाडौँ- आज बुधबार र आउँदो शनिबार पनि रियल टायम ग्रस सेटल्मेन्ट (आरटीजीएस)प्रणाली नियमित सञ्चालन हुने नेपाल राष्ट्र बैंकले जानकारी दिएको छ । केन्द्रीय बैंकले आज बुधबार एक सूचना जारी गर्दै विकास ऋणपत्र २०७८ ‘ङ’ र शनिबार विकास ऋणपत्र २०८५ ‘ख’ को ब्याज भुक्तानी प्रयोजनको लागि बैंक तथा वित्तीय संस्थाहरुलाई आरटीजीएस प्रणाली सञ्चालन राख्न निर्देशन दिएको हो । 

राष्ट्र बैंकले दुबै दिन बिहान १० बजेदेखि १२ बजेसम्म आरटीजीएस प्रणाली सञ्चालन हुने राष्ट्र बैंद्धारा जारी सूचनामा उल्लेख छ । आरटीजीएस प्रणालीमार्फत एक बैंकका ग्राहकले आवश्यकताअनुसार अर्को बैंकमा भुक्तानी कारोबार फछ्र्योट गर्न सक्नेछन् । यस प्रणालीको प्रयोगले चेक नकाटी सीधै एक बैंकको खाताबाट अर्को बैंकको खातामा भुक्तानी गर्न सकिन्छ ।