‘मुन्द्रेको कमेडी क्लब’को ठाउँमा ‘फुलन्दे स्पेसल’ कमेडी क्लब

काठमाडौँ -दुई वर्षदेखि हरेक सोमबार प्रसारण हुँदै आएको ‘मुन्द्रेको कमेडी क्लब’को अन्तिम भाग सोमबार प्रसारण भयो । जितु नेपालले नेतृत्व गर्दै आएको यो टिममा करिष्मा मानन्धर, उमेश राई, राजेन्द्र नेपाली आदि कलाकार थिए ।

तर, यो टिममा रहेका उमेश राई (फुलन्देकी आमा)ले आफूलाई जानकारी नै नदिई अर्को कार्यक्रम चलाउन गएकोमा दुःख लागेर कार्यक्रम बन्द गर्ने निर्णय गरेको जितुले बताएका थिए । उनले पत्रकार सम्मेलन नै गरेर यो बताउँदा यो कार्यक्रमको जिम्मा लिएको कि एडभरटाइजिङमाथि पनि धोखाघढी गरेको आरोप लगाएका थिए ।
किले यस विषयमा औपचारिक प्रतिक्रिया दिएको छैन तर उसले सोमबार नै ‘मुन्द्रेको कमेडी क्लब’ प्रसारण हुने समयमा ‘फुलन्दे स्पेसल’ कमेडी क्लब सञ्चालन गर्ने जनाएको छ । पत्रिकामा विज्ञापन छाप्दै उसले यो कार्यक्रम केही समयका लागि सञ्चालन हुने पनि जानकारी गराएको छ । 

उता केही युट्युबरलाई प्रतिक्रिया दिँदै उमेश राईले आफूले जितु नेपाललाई धोका नदिएको भन्दै जानकारी गराएर नै अर्को कार्यक्रम चलाउन गएको बताएका छन् । उमेश राई किले सञ्चालन गर्ने डान्स च्याम्पियनसिपको उद्घोषण गर्न गएपछि जितु र एजेन्सी र उमेश राईबीच विवाद बढेको थियो । उमेश राईले आफू कार्यक्रमको शुभचिन्तक भएकाले आफूले नमिल्ने भए कोही राखेर पनि कार्यक्रम चलाउन आग्रह गरेको जानकारी गराएका छन् ।