झलनाथ खनालले दस्तावेजमार्फत भने- जबज अब मार्गदर्शक सिद्धान्त बन्न सक्दैन

काठमाडौँ – नेकपा एकीकृत समाजवादीका सम्मानित नेता झलनाथ खनालले जनताको बहुदलीय जनवाद (जबज) पार्टीको मार्गदर्शक सिद्धान्त बन्न नसक्ने टिप्पणी गरेका छन् । शनिबार पार्टीको केन्द्रीय कमिटीको दोस्रो पूर्ण बैठकमा वैचारिक–राजनीतिक कार्यक्रम प्रस्तुत गर्दै खनालले उक्त धारणा सार्वजनिक गरेका हुन् । 

नेपालको संविधानमार्फत् जबज कार्यान्वयन भइसकेको उनले उल्लेख गरेका छन् । ‘अब जबज हाम्रो मार्गदर्शन सिद्धान्त बन्न सक्दैन । मार्क्सवाद­ लेनिनवाद नै हाम्रो मार्गदर्शन सिद्धान्त हो’ खनालले दस्तावेजमा उल्लेख गरेका छन् । उनले जबजलाई भरपुर उपयोग गर्दै समाजवादी क्रान्ति र रुपान्तरणको दिशामा अघि बढ्नुपर्ने उल्लेख गरेका छन् ।