नेकपा एस सचिवालय सदस्यमा झा, स्थायी कमिटीमा मिश्र मनोनित

फाइल तस्‍बिर

काठमाडौँ – नेकपा एकीकृत समाजवादी पार्टीले रामचन्द्र झालाई केन्द्रीय सचिवालय सदस्यमा मनोनित गरेको छ । आइतबार बसेको केन्द्रीय कमिटी बैठकले झालाई सचिवालय सदस्यमा मनोनित गरेको हो । 

गठबन्धन सरकारले हालैमात्र बंगलादेशको राजदूतबाट फिर्ता बोलाएका डा.बंशीधर मिश्रलाई बैठकले पार्टी स्थायी कमिटी सदस्यमा मनोनित गरेको छ । मिश्र यसअघि 
एमाले केन्द्रीय कमिटी सदस्य हुन् ।

बैठकले डडेलधुराबाट नेकपा एमाले त्यागेर एसमा प्रवेश गरेका डा. तारा जोशी, नेकपा माले त्यागेका कुलप्रसाद फुयाँल, निलमणि बराललगायतलाई केन्द्रीय सदस्यमा मनोनित गरेको प्रचार विभाग प्रमुख जगन्नाथ खतिवडाले जानकारी दिए । नेकपा माओवादी केन्द्रबाट औपचारिक रूपमा एस प्रवेश गर्नुअघि नै बैठकले झालाई सचिवालय सदस्यमा मनोनित गरेको हो ।