परिवार दलको महाधिवेशन मंसिर ४ र ५ मा

काठमाडौँ – नेपाल परिवार दलले पार्टीको महाधिवेशन मंसिर ४ र ५ गते आयोजना गर्ने भएको छ । बुधबार काठमाडौंमा आयोजित पत्रकार सम्मेलनमा दलका नेताले यस्तो जानकारी दिएका हुन् । 

काठमाडौंस्थित प्रज्ञा प्रतिष्ठान कमलादीमा  महाधिवेशन आयोजना हुने परिवार दलका अध्यक्ष तथा पूर्वमन्त्री एकनाथ ढकालले जानकारी दिए । महाधिवेशनबाट परिवार दलमा एक अध्यक्ष, दुई उपाध्यक्ष, दुई महामन्त्री, पाँच सहमहामन्त्री, एक कोषाध्यक्षसहित १ सय १ कार्यसमिति निर्वाचित हुने भएका छन् । 

कोभिड महामारीलाई मध्यनजर राख्दै स्वास्थ्यसम्बन्धी मापदण्ड पालन गरेर भौतिक र अनलाइन दुवै तरिकाबाट महाधिवेशन सम्पन्न गर्ने दलले जनाएको छ । अध्यक्ष ढकालले तेस्रो राष्ट्रिय महाधिवेशनको तयारी पुरा भएको जानकारी दिए ।