शुक्रबार २२ चैत, २०८१
Friday, April 04, 2025

‘धोनी सफल कप्‍तान हुन्‍छन् जस्तो लागेको थिएन’

काठमाडौं : भारतीय क्रिकेट टिमका पूर्वब्याट्सम्यान मोहम्मद कैफ र पूर्वकप्तान महेन्द्रसिंह धोनीबीच अनौठो संयोग छ । धोनीले भारतका लागि एक दिवशीय क्रिकेटमा डेब्यू गरेको खेलमा कैफ म्यान अफ दि म्याच चुनिएका थिए । उनै कैफले हालसालै धोनीका बारेमा रोचक अभिब्यक्ति दिएका छन् । 

कैफले, आफु, बिरेन्द्र सेहेवाग, जाहिर खान वा हरभजन सिंहमध्ये कसैले पनि धोनी भारतको सफल कप्तान बन्ने अपेक्षा नगरेको बताए । ‘लखनउमा रहेको मेरो एउटा साथीले धोनीको बारेमा सुनाएको थियो । दुलिप  ट्रफीमा मैले उसको खेल हेर्ने मौका पाए । त्यस प्रतियोगिता दौरान म सेन्ट्रल जोनको कप्तान थिए । धोनी चाँही इस्ट जोनबाट खेलिरहेका थिए,’ कैफले भने, ‘ त्यस बखत म लगायत सेहेवाग, जाहिर वा हरभजन कसैले पनि धोनीले भारतको क्रिकेटलाई उचाईमा पु-याउछन् भनेर सोचेको थिएनौ ।’ 

गत अगस्टमा अन्तराष्ट्रिय क्रिकेटबाट सन्यास लिएका धोनी भारती क्रिकेट इतिहासकै सर्वाधिक सफल कप्तान हुन् । उनले भारतलाई आइसीसी अन्र्तगतका सबै मूख्य प्रतियोगिता जिताएका छन् । सिंहले सन् २००४ मा बंगलादेश विरुद्धको खेलबाट भारतका लागि डेब्यू गरेका थिए ।

सोही खेलमा कैफले एक सय ११ बलको सामना गर्दै ८० रन बनाएका थिए । धोनीले भारतका लागि डेब्यू गरिरहँदा कैफ बाहेक युवराज सिंह, सेहेवाग र सिंह जस्ता खेलाडी पनि सोही टिममा थिए । ती मध्ये अधिकांश खेलाडी कालान्तरमा धोनीको नेतृत्वमा रहेको भारतीय टिमको सदस्य रहे ।