सुन कछुवासहित टोखाबाट दुई जना पक्राउ

काठमाडौँ - काठमाडौको टोखामा सुन कछुवासहित दुई जना पक्राउ परेका छन् । टोखा नगरपालिका ७ ग्राण्डी अस्पताल नजिकैबाट सशस्त्र प्रहरीले सुन कछुवासहित दुई जनालाई पक्राउ गरेको हो ।

पक्राउ पर्नेहरुमा दोलखा घर भई टोखा नगरपालिका ३ टोखा बस्ने ५० वर्षीय सञ्जु तामाङ्ग र सोलुखुम्बु जिल्लाको सोताङ्ग गाउँपालिका १ बस्ने २४ वर्षीय अम्बिर राई छन् ।

विशेष सूचनाको आधारमा सशस्त्र प्रहरी बल नेपाल नम्बर ९ पशुपतिनाथ बाहिनी मुख्यालय काठमाडौबाट खटिएको सशस्त्र प्रहरीले उक्त कछुवासहित दुई जनालाई पक्राउ गरेको हो । पक्राउ परेका दुवै जनालाई बरामद कछुवासहित आवश्यक कारवाहीको लागि प्रहरी चौकी टोखामा बुझाईएको छ ।