हिमालयन र संकटाले बराबरी खेले

काठमाडौँ - सहिद स्मारक 'ए' डिभिजन लिगको आज भएकाे खेलमा हिमालयन शेर्पा र संकटा क्लबले बराबरी खेलेका छन् । पहिलो हाफमा गोल रहित खेलेका दुवै टिमले दोस्रो हाफमा गोल गरेका हुन् । 

दशरथ रंगशालामा भएको खेलमा हिमालयन शेर्पा र संकटाले एक/एक गोल गरेका छन् । खेलको ६४ मिनेटमा हिमालयन शेर्पाका त्रिदेव गुरुङले गोल गरेका थिए । त्यसको एक मिनेटमा संकटाका लक्ष्मन रुचालले एक गोल फर्काएका थिए ।