ओली समूहको केन्द्रीय सदस्य राईद्वारा अस्वीकार

काठमाडौं : प्रदेश १ की सांसद तथा नेकपाकी नेतृ उषाकला राईले केन्द्रीय सदस्य पद अस्वीकार गरेकी छन् । प्रधानमन्त्रीसमेत रहेका नेकपा केपी शर्मा ओली समूहले केही दिनअघि थपेको केन्द्रीय सदस्य पद राईले अस्वीकार गरेको सार्वजनिक गरेकी छन् ।

'विकसित राजनीतिक परिघटनामा सम्माननीय प्रधानमन्त्री केपी कमरेडले मलाई पत्याएर केन्द्रीय कमिटी जस्तो उच्च ओहोदामा राख्नु भएकोमा हृदय बाट कृतग्य जाहेर गर्दछु' राईले फेसबुकमा लेखेकी छन् 'तर मेरा ज्ञानोभावले उक्त पदमा रहेर जिम्मेवारी सम्हाल्न म असमर्थ महसुस भएको छ त्यसकारण बिनम्रताका साथ उक्त केन्द्रीय कमिटी सदस्य म नरहेको  सबैमा अनुरोध गर्दछु ।' साथै उनले भ्रस्टाचार अन्त्य गर्ने र  समृद्धिको मुद्दाहरू अगाडि बढाई रहेकोमा आज त्यो अलपत्र परेको बताएकी छन् ।