सोमबारदेखि सुरु हुँदै नवौँ मानव अधिकार अन्तर्राष्ट्रिय चलचित्र महोत्सव

काठमाडौँ - नवौँ नेपाल मानव अधिकार अन्तर्राष्ट्रिय भच्र्युअल चलचित्र महोत्सव सोमबारदेखि सुरु हुने भएको छ ।  कोभिड–१९ को कारण बदलिएको परिस्थितिलाई मध्यनजर गर्दै नवौँ नेपाल मानवअधिकार अन्तर्राष्ट्रिय चलचित्र महोत्सव भर्चुअल हुने आयोजक मानव अधिकार केन्द्र जारी विज्ञप्तिमा जनाइएको छ ।  

कार्यक्रममा २४ देशका ४२ वटा स्वदेशी तथा विदेशी फिचर फिल्म, वृत्तचित्र, छोटा चलचित्र साथै सबै विधाका चलचित्रहरु देखाइने छ । देखाइने चलचित्रहरु महोत्सवमा आवेदन परेकामध्येबाट उत्कृष्ट चलचित्रहरु प्रर्दशनको लागि छनोट गरिएको हो ।

यस महोत्सवमा चलचित्रहरु मुभी डटकम अनलाईन वेभसाइट लग इन (9nhriff.muvi.com) गरेर हेर्न सकिने छ । महोत्सव सुरु भएको दिनदेखि अर्काे दिन बिहान ७ बजेसम्म फिल्म हेर्न सकिने छ । कार्यक्रममा चलचित्र प्रर्दशनसँगै मानव अधिकारकर्मी र कलाकर्मीहरुसँग अन्र्तक्रिया, प्यानल छलफललगायतका कार्यक्रमहरु तय गरिएको छ । 

महोत्सवमा चलचित्र देखाएपछि ‘मानव अधिकार र न्यायका लागि वातावरण’, मानव अधिकारमा कोडिभ–१९ को प्रभाव’, ‘महिला विरुद्ध हुने हिंसा रोक्न, सशक्तिकरण, अधिकार र समावेशीकरणमा सिनेमाको भूमिका, जस्ता विषयमा चलचित्रकर्मी, मानव अधिकारकर्मी, अनुसन्धानकर्मी, युवाहरुसँग अन्तक्र्रिया तथा छलफल पनि गरिनेछ ।  त्यस्तै ‘ओटीटी प्लेटफर्ममा नेपाली सिनेमा कसरी पुर्याउने ? बारे मास्टरक्लासको पनि  आयोजना गरिने छ । 

महोत्सवमा अन्तर्राष्ट्रिय विधाका चलचित्रहरुको प्रर्दशन मात्र गरिने छ भने नेपाली विधाका चलचित्रहरूको प्रतिस्पर्धा हुनेछ । जसमा प्रतिस्पर्धी नेपाली चलचित्रहरुलाई निर्णायक मण्डलले उत्कृष्ट फिक्सन, उत्कृष्ट बृत्तचित्र र उत्कृष्ट महिला चलचित्रकर्मीको छनौट गरी पुरस्कार घोषणा गरिनेछ । चलचित्र महोत्सवमा आशा मगराती, मनोजबाबु पन्त र लिना रञ्जितले  निर्णायक मण्डलको भूमिका निर्वाह गर्ने भएका छन् ।  महोत्सवको सह–आयोजकको रुपमा राष्ट्रिय मानव अधिकार र नेपालका लागि क्यानडा राजदूतावास रहने छन् ।