झापाका निर्माणसँग गायिका प्रविशाको लगनगाँठो (फोटो फिचर)

काठमाडौँ- गायिका प्रविशा अधिकारीले झापाका निर्माण सिटौलासँग विवाह गरेकी छिन् । सामाजिक सञ्जालमा भएको चिनजान प्रेम हुँदै विवाहमा परिणत भएको हो । निर्माण अमेरिकामा बसोबास गर्छन् ।

प्रविशाले निर्माणको कुरा परिवारमार्फत आएको र कुरा गर्दै जाँदा विवाहसम्म पुगेको इकागजलाई बताइन् । ‘घरबाटै कुरा आएको हो । धेरैले प्रेम विवाह ठान्नुहुन्छ तर त्यसो होइन । हाम्रो त बल्ल लभ पर्न थालेको थियो,’ प्रविशाले भनिन् । आइतबार झापामा दुवैको विवाह भइरहेको छ । प्रविशाको पनि मूलघर झापा नै हो । 

‘खुशी’ चलचित्रबाट नेपाली फिल्मको पाश्र्व गायनमा छिरेकी प्रविशाले ‘कसलाई दिउँ यो जोवन’ शीर्षकको चलचित्रमा गाएको ‘तिमी जहाँ छौँ’बाट पाश्र्व गायनमा नाम बनाएकी थिइन् । दर्जनौँ आधुनिक गीतमा स्वर दिएकी प्रविशाले पछिल्लो समय गाएकोमध्ये ‘रोज’ चलचित्रको ‘फूल हैन काँडा’ निर्क चर्चित भएको थियो । 
प्रविशा हाल भने हिमालय टेलिभिजनबाट प्रसारण हुँदै आएको ‘पद भ्वाइस किड’को चारमध्ये एक कोच हुन् ।