सौगात र अर्पणको ‘लप्पन छप्पन २’ शिवरात्रीमा

काठमाडौं : महामारीका कारण रोकिएका फिल्मले धमाधम प्रदर्शन मिति सार्वजनिक गर्न थालेका छन् । यही मेसोमा ‘लप्पन छप्पन२’ले पनि प्रदर्शन मिति सार्वजनिक गरेको छ । युरोपमा सुटिङ भएको फिल्मले शिवरात्रीको अवसर पारेर फागुन २७ बाट प्रदर्शन थाल्ने घोषणा गरेको छ । निर्माण टिमले यसअघि आउँदो नयाँ वर्षमा रिलिज गर्ने योजना सार्वजनिक गरेको भए पनि अन्ततः एक महिना अघि नै रिलिज गर्ने निर्णय सार्वजनिक गरेको हो । 

बेल्जियम र अष्ट्रेलियामा सुटिङ गरिएको फिल्ममा शिव श्रेष्ठ, सौगात मल्ल, अर्पण थापा, अनुपविक्रम शाही, गोविन्द शाही, प्रकाश कुँवर, दीपक क्षेत्री, राजेन्द्र विष्ट, शक्ति श्रेष्ठ, आना ढकाल आदि कलाकारको अभिनय रहेको छ । गोल्डेन हिल्स पिक्चर्सको ब्यानरमा निर्माण भएको फिल्मलाई मुकुन्द भट्टले निर्देशन गरेका हुन् ।

उनले पटकथा लेखनमा भट्टले सुनिल नेउरे र अमिता शर्माको सहयोग लिएका छन् । फिल्मलाई पुरुषोत्तम प्रधानले छायांकन गरेका हुन् । फिल्ममा शम्भुजित बाँस्कोटा, राजेन्द्र भट्ट, दीपक आरजे र बुलेट फ्लोको संगीत, नरेशनाथ योगीको कोरियोग्राफी, हिमाल केसीको द्धन्द्ध र मिलन श्रेष्ठको सम्पादन रहेको छ ।