प्रतिनिधि सभा बैठक बोलाउन जसपा नेताको सभामुखलाई आग्रह

काठमाडौं : जनता समाजवादी पार्टीका नेताहरुले सभामुखलाई भेटेर प्रतिनिधि सभा बैठक आह्वान गर्न आग्रह गरेको छ । बिहीबार सभामुख अग्‍निप्रसाद सापकोटालाई भेटेर संसद्‍ जीवितै रहेको निष्कर्षसहित बैठक आह्वान गरेको हो ।

प्रधानमन्त्रीलाई प्रतिनिधिसभा विघटन गर्ने अधिकार संविधानले नदिएको अवस्थामा संसद्‍ जीवितै रहेको निष्कर्षसहित बैठक आह्वान गर्न आग्रह गर्न जसपा नेताहरु डा. बाबुराम भट्टराई, उपेन्द्र यादव र लक्ष्मणलाल कर्णले सभामुख सापकोटासँग छलफल गरेका थिए ।

सरकारको सिफारिसमा राष्ट्रपति विद्यादेवी भण्डारीले केही दिनअघि प्रतिनिधि सभा विघटन गरेकी थिइन् ।