कांग्रेस प्युठान सभापतिमा गिरी विजयी

प्युठान- नेपाली कांग्रेस प्युठान सभापतिमा विष्णुकुमार गिरी विजयी भएका छन् । 

मंगलबार राति सार्वजनिक मतपरीणाम अनुसार गिरीले प्रतिस्पर्धी शिव रिजाललाई ७२ मतअन्तरले पराजित गरेक हुन् । गिरीले ५ सय ६६ मत पाउँदा रिजालले ४ सय ९४ मतमा चित्त बुझाए ।  गिरी गौमुखी गाउँपालिका अध्यक्षसमेत हुन् ।

१४औँ जिल्ला अधिवेशनमा सभापतिबाहेकका पदमा सर्वसम्मत भएको छ । कुल १ हजार १ सय ९ मध्ये १ हजार ६५ मत खसेको थियो ।