ट्रकले किचेर एक महिलाको मृत्यु

कैलाली - कैलालीमा ट्रकले किच्दा एक महिलाको मृत्यु भएको छ । जिल्लाको लम्कीचुहा नगरपालिकाअन्तर्गत पूर्वपश्चिम राजमार्गमा ना २ ख ९३७० नम्बरको ठक्करबाट महिलाको मृत्यु भएको हो।

मृतक महिलाको परिचय विवरण खुल्न सकेको छैन। ट्रकलाई स्थानीयले तोडफोडपछि आगजनी गरेका छन् । आगजनीपछि प्रहरीले केही राउन्ड हवाइफायर र अश्रुग्यास प्रहार गरेको छ । दुर्घटनापछि स्थानीयले पूर्व-पश्चिम राजमार्गको लम्की सडक खण्ड अबरुद्ध पारेका छन् । सडक अबरुद्ध भएपछि सवारीसाधन र त्यसमा सवार यात्रुहरू अलपत्र परेका छन् ।