बङ्गलादेशी पाहुनाले गरे कृषि सहकारीको अवलोकन

फाइल फोटो

काठमाडौँ - बङ्गलादेशी पाहुनाहरुले आज काठमाडौँमा रहेको मनमुरी कृषि सहकारीको अवलोकन भ्रमण गरेका छन् । नेपाल–बङ्गलादेश मैत्री सङ्घको निमन्त्रणामा यही १३ गते काठमाडौँ आइपुगेका १० सदस्यीय टोली  पोखराबाट फर्केलगत्तै उक्त सहकारीको अवलोकन गरेका हुन् । अवलोकनका क्रममा बङ्गलादेशबाट आउनुभएका डा नजमुद्दीन अल हुसाइनीले मनमुरी कृषि सहकारी संस्थाले नमूनाका रूपमा काम गरेको बताए ।  
  
कृषिविना मानव जीवन असम्भव भएको र अर्थतन्त्र बलियो बनाउन पनि कृषि सहकारीमार्फत अघि बढ्नुपर्ने धारणा डा हुसाइनीले राखे । सङ्घका अध्यक्ष दीनदया रिजालले बङ्गलादेश र नेपालको सम्बन्ध थप उचाइमा पु¥याउन दुई देशबीच कला, साहित्य संस्कृति, पर्यटन, कृषि सहकारी जस्ता विषयमा मिलेर काम गर्नुपर्ने बताए ।

उनका अनुसार नेपाली प्रतिनिधिमण्डलले पनि छिट्टै बङ्गलादेशको भ्रमण गर्नेछ । बङ्गलादेशबाट आउने टोलीमा चिकित्सक, कृषिविज्ञ, समाजसेवी र व्यापारीेको सहभागिता रहेको छ । सङ्घको निमन्त्रणमा बङ्गलादेशका पाहुना सोमबार नेपाल आएका हुन् । पाहुना आगामी हप्ता स्वदेश फर्कने कार्यक्रम छ । रासस