फेडरर अस्ट्रेलियन ओपन नखेल्ने

काठमाडौं : रोजर फेडररले अस्ट्रेलियन ओपनमा भाग नलिने भएका छन् । यस अंग्रेजी वर्षमा मात्रै दुई पटक घुडाँको शल्यक्रिया गराएका फेडरर फेबु्रअरी आठबाट सुरु हुने अस्ट्रेलियन ओपन खेल्न पूर्ण फिट नभएको बताइएको छ । 

जनवरी यता कुनै पनि खेल नखेलेका ३९ वर्षीय स्विसले अस्ट्रेलियन ओपन खेल्ने, नखेल्ने अन्योल थियो । हाल दुबईमा रही अभ्यास गरिरहेका फेडररले अस्ट्रेलियन ओपन ढिलोगरी सुरु भए आफूले भाग लिने बताएका थिए । तर कोभिड-१९ (कोरोना भाइरस) का कारण वर्षको पहिलो ग्रान्डस्लाम तीन हप्ता ढिलो सुरु हुने भएपनि फेडरर भाग लिन तयार भएनन् ।
 
फेडररका एजेन्ट टोनी गडसिकले विज्ञप्ती जारी गर्दै २० ग्रान्डस्लाम विजेता अस्ट्रेलिया फर्कनका लागि शारीरिक रुपमा तयार नभइसकेको बताए । ‘फेडररले केही महिना यता राम्रो सधुार गरिरहेका छन् । उनले फिटेनसमा धेरै मेहेनत गरिरहेका छन् । तर आफ्नो टिमसँग सल्लाह गरेपछि फेडररले यस पटकको अस्टे«लियन ओपनमा भाग नलिने निर्णय गरेका हुन्,’ विज्ञप्तीमा भनिएको छ । गडसिकले फेडरर फेब्रुअरीको अन्तिम साताबाट मात्रै मैदान फर्कन तयार हुने बताए ।
 
उता अस्टे«लियन ओपन प्रतियोगिताका निर्देशक क्रेग टिलेले फेडररको निर्णयले आफू निराश भएको बताएका छन् । फेडररले सन् १९९९ देखि निरन्तर अस्टे«लियन ओपनमा भाग लिँदै आएका छन् । उनले यस प्रतियोगितामा १५ पटक सेमिफाइनल यात्रा तय गरेका छन् भने ६ पटक उपाधि जितेका छन् । गत संस्करणमा पनि फेडरर अन्तिम चारसम्म पुगेका थिए ।