मेलिना र कृष्णको 'के छ तिम्रो विचार' मा नम्रता र दिनेश

 काठमाडौं -  चर्चित गायिका मेलिना राई र गायक कृष्ण काफ्लेको स्वरमा रहेको 'के छ तिम्रो विचार' बोलको गीतको भिडियो सार्वजनिक भएको छ । दीपराज थापाका शब्द सृजना रहेको गीतमा सोनाम बज्यूको संगीत तथा संगीत संयोजन रहेको छ ।

आरजु बैजुको कोरियोग्राफी रहेको गीतमा कलाकार दिनेश काफ्ले र नायिका नम्रता सापकोटाको अभिनय रहेको छ । डान्सिगं शैलीको रमाइलो गीतमा नम्रता र दिनेशले लोभलाग्दो अभिनय गरेका छन् ।

भिडियोमा उमेरले परिपक्व एक युवतीलाई मन पराउने र मीठा मीठा सपना देख्ने युवकको रमाइलो किस्सालाई कलात्मक शैलीमा देखाइएको छ । मिलन बिकको सहनिर्देशन रहेको गीतको छायांकन सुसन प्रजापतिले गरेका हुन् भने मनोज कार्कीले सम्पादन गरेका हुन् । भिडियोको निर्देशन शिशिर खातीले गरेका हुन् ।