कांग्रेस महाधिवेशन : सुरु भयो सभापतिको मतगणना

काठमाडौँ –  नेपाली कांग्रेसको १४औँ महाधिवेशनअन्तरर्गत सभापति पदको मत गणना सुरू भएकाे छ ।  राति १ बजेबाट सुरु हुने भनिए पनि बिहान चार बजेपछिमात्रै सुरू भएकाे हाे ।  कांग्रेसको सभापतिका लागि वर्तमान सभापति शेरबहादुर देउवा, केन्द्रीय सदस्य डा.शेखर कोइराला, पूर्वमहामन्त्री प्रकाशमान सिंह, उपसभापति विमलेन्द्र निधि र कल्याण गुरुङ चुनावी मैदानमा छन् । 

४७४३ मतदाता रहेको कांग्रेसमा ४६७९ मत खसेको छ ।  अन्य पदका उम्मेदवारको मतपत्र त पार्टी केन्द्रीय कार्यालय सानेपामा नै गणना गर्ने भनिएको छ । सभापतिका उम्मेदवारले यदि पहिलो चरणमा ५१ प्रतिशत मत नल्याए पुनः मतदान सुरु हुनेछ । दोस्रो चरणमा धेरै मत ल्याउने शीर्ष दुई उम्मेदवार भिड्नेछन ।