राप्रपा एकीकरणले पायो मान्यता

काठमाडौंः राष्ट्रिय प्रजातन्त्र पार्टी (राप्रपा) र राप्रपा संयुक्तको एकीकरणलाई निर्वाचन आयोगले वैधानिकता दिएको छ । राप्रपा अध्यक्ष कमल थापाले राप्रपाको एकीकरणलाई निर्वाचन आयोगले वैधानिकता दिएको जानकारी दिए ।

थापाले पार्टी एकीकरणले वैधानिकता पाएपछि २०७३ सालको एकता महाधिवेशनपछि विभाजित भएको पार्टीलाई आफ्नै कार्यकालमा पुन: एकिकृत गर्न सकेकोमा खुसी लागेको बताए । 

एकीकरणपछि अब राप्रपाको झण्डामा ‘गाई’ र चुनावचिन्ह ‘हलो’ हुनेछ । 

राप्रपा र राप्रपा प्रजातान्त्रिकबीच  गत माघ १८ गते एकीकरण भएको थियो ।