देउवासँग संघर्षको यात्रा अगाडि बढ्छ : गगन थापा

फाइल फोटो

काठमाडौँ - नेपाली कांग्रेसका नेता गगन थापाले सभापतिमा निर्वाचित प्रधानमन्त्री शेरबहादुर देउवासँग संघर्षका रुपमा सहयात्रा सुरु हुने बताएका छन् । कांग्रेस सभापतिमा पराजित शेखर कोइराला पक्षले आयोजना गरेको धन्यवाद कार्यक्रममा बोल्दै थापाले देउवा सभापतिमा निर्वाचित भएपछि अब संघर्षका रुपमा यात्रा अगाडि बढ्ने बताएका हुन् । 

सभापतिमा जित्नका लागि देउवाले बिहानदेखि बेलूकासम्म लाइन लागेर भोट माग्नु आश्चर्यचकित भएको पनि उनले बताए । ‘प्रधानमन्त्री कोट कोटमाथि ओभरकोट लाएर बिहानदेखि साँझसम्म मत माग्नुभयो । भेट्रान नेताले विज्ञप्ति जारी गर्दा पनि हार्छु भन्ने डर रहेछ,’ उनले भने, ‘देउवासँग सहकार्य र संघर्षको रुपमा हाम्रो यात्रा अगाडि बढ्छ ।’  थापाले महामन्त्रीमा चुनाव लडेका थिए । महामन्त्रीको नतिजा आउन बाँकी छ ।