बुधबार थपिए २८० संक्रमित

फाइल तस्बिर

काठमाडौँ - पछिल्लो २४ घण्टामा २ सय ८० जनामा कोभिड-१९ संक्रमण देखिएको छ । बुधबार स्वास्थ्य तथा जनसंख्या मन्त्रालयकाअनुसार ११ हजार ९ सय ९४ जनाको कोभिड परीक्षण गरिएको थियो । पीसीआर परीक्षणबाट २ सय ५२ र एन्टीजेन्ट विधिबाट २८ जनामा कोभिड पुष्‍टि भएको छ ।

त्यसैगरी ३ सय जना संक्रमणमुक्त भएका छन् । हालसम्म ८ लाख ७ हजार ८ सय १६ जना संक्रमणमुक्त भइसकेका छन् । ६ जनाको मृत्यु र हालसम्म ११ हजार ५ सय ६५ जनाको मृत्यु भइसकेको छ । देशभर सक्रिय संक्रमित ५ हजार ६ सय ३५ जना छन् । त्यसैगरी २ हजार  ५ सय २३ जनाले कोभिडविरुद्धको खोप लगाएका छन् ।

आईसीयूमा १ सय १२ र भेन्टीलेटरमा २५ जना उपचाररत छन् । होम आईसोलेशनमा ५ हजार ३ सय ३५ , संस्थागत आईसोलेशनमा २ सय ८२ र क्वारेन्टाइनमा ९५ जना छन् ।