‘ओली कमरेड होइन, निरंकुश शासक बन्नुभयो’

काठमाडौं : राजधानीमा आयोजित सरकारविरुध्दको सभालाई सम्बोधन गर्दै अष्टलक्ष्मी शाक्य प्रधानमन्त्री केपी शर्मा ओली कमरेड बन्न नसकेको बताएकी छन् ।नेकपाको पुष्पकमल दाहाल–माधव नेपाल समूहको सभालाई सम्बोधन गर्दै मंगलबार शाक्यले ओलीलाई निरंकुश शासक बनेको आरोप लगाइन् । 

‘हामीले आदर गरेको ओली कमरेड बन्नु भएन, उहाँ निरंकुश शासक बन्नुभयो, स्वच्छाचारी शासक बन्नुभयो, सामन्ती शासक बन्नुभयो, सर्वोसत्तावादी शासक बन्नुभयो’, उनले भनिन्,‘र जनतामाथि धावा बोल्नुभयो।’

प्रधानमन्त्री ओलीले संविधानमाथि कू गरेकोसमेत शाक्यले आरोप लगाइन् । उनका अनुसार जनताले ओली सरकारमाथि जुन आशा गरेका थिए त्यो तोडिएको छ । ‘जबसम्म ओलीले खोस्न लागेको अधिकार प्राप्त गर्न सक्दैनौँ जबसम्म हामी रोकिँदैनौँ’, उनले भनिन् ।