कांग्रेस महाधिवेशन : उपसभापतिमा पूर्णबहादुर खड्का र धनराज गुरुङ विजयी

काठमाडौँ – नेपाली कांग्रेसको १४औँ महाधिवेशनअन्तरर्गत उपसभापति पदका लागि भएको मतदानपछिको मत गणनामा पूर्णबहादुर खड्का र धनराज गुरुङ उपसभापतिमा विजयी भएका छन् ।  

दुई उपसभापतिका लागि ७ जना चुनावी मैदानमा थिए ।  पार्टी केन्द्रीय कार्यालय सानेपामा भएको मतगणनाको अन्तिम परिणाम अनुसार उपसभापति पदमा शेरबहादुर देउवा प्यानलका खड्का र शेखर काेइराला प्यानलका गुरुङ विजयी भएका हुन्। यसअघि खड्का महामन्त्री थिए भने गुरूङ केन्द्रीय सदस्य । देउवा प्यानलका गच्छदार तेस्राे भए भने शेखर प्यानलकै चन्द्र भण्डारी चाैँथाे भए । गत सोमबार भएको मतदानमा ४६७९ मत खसेको थियो ।

निर्वाचन समितिकाअनुसार खड्काले २१२१ भाेट ल्याए, गुरूङले १९०८ र गच्छदारले १९०६ भाेट ल्याए । गुरूङले गच्छदारलाइ २ भाेटले मात्र हराएका हुन् । त्यस्तै चन्द्र भण्डारीले १५८०  भाेट ल्याउँदा सुजता काेइरालाले ६४४, महेश अाचार्यले ५८९ र दिव्यश्वरी शाहले १३२ मत ल्याए ।