माओवादी राष्ट्रिय सम्मेलनः दाहाललाई १४८ प्रतिनिधि छनौट गर्ने अधिकार

काठमाडौँ -  नेकपा माओवादी केन्द्रका अध्यक्ष पुष्पकमल दाहालले १० प्रतिशत प्रतिनिधि छनौट गर्ने अधिकार प्राप्त गरेका छन् । महाधिवेशनअघि बसेको स्थायी समिति बैठकमार्फत अध्यक्ष दाहालले कुल एक हजार चार सय ८३ राष्ट्रिय सम्मेलन प्रतिनिधिको १० प्रतिशत छनौट गर्ने अधिकार प्राप्त गरेका हुन् । 

प्रवक्ता कृष्णबहादुर महराका अनुसार दाहालले विभिन्न पार्टीबाट प्रवेश गरेकासहित एक सय ४८ प्रतिनिधिलाई राष्ट्रिय सम्मेलन प्रनिनिधिका रुपमा मनोनयन गर्नेछन् । माओवादीको प्रथम राष्ट्रिय सम्मेलन ११ पुसमा प्रज्ञा भवन काठमाडौँमा उद्घाटन हुँदैछ ।