इंग्ल्यान्ड १८५ रनमै अलआउट

काठमाडौँ - एसेस सिरिज अन्तर्गत अष्ट्रेलियाविरुद्धको तेस्रो टेस्टको पहिलो पालीमा इंग्ल्यान्ड १८५ रनमा अलआउट भएको छ । मेलवर्नमा टस हारेर पहिले ब्याटिङ थालेको इंग्ल्यान्ड पहिलो पालीमा १८५ रनमा अलआउट भएको हो ।

पाहुना टिमका लागि कप्तान जोय रुटले अर्धशतक बनाएपनि बाँकी ब्याटर भने चल्न सकेनन् । यस्तै जोनी बेयरस्टोले ३५ रन जोडे । अष्ट्रेलियाका प्याट कुमिन्स र नाथन लायनले तीन/तीन विकेट लिए ।

आइतबार नै आफ्नो पहिलो पाली थालेको अष्ट्रेलियाले १ विकेट गुमाएर ६१ रन बनाएको छ । पाँच खेलको एसेस सिरिजमा अष्ट्रेलिया २-० ले अघि छ ।