सरकारले बालबालिकालाई लगाइने फाइजर खोप किन स्थगित गर्‍यो ?

फाइल तस्बिर

काठमाडौँ- सरकारले बालबालिकालाई लगाइने कोभिडविरुद्धको फाइजर खोप कार्यक्रम स्थगित गरेको छ । पूर्व निर्धारित समयतालिकाअनुसार १३ गतेबाट ( मंगलबार) १२ देखि १७ वर्षसम्मका बालबालिकालाई खोप लगाउने कार्यक्रम थियो ।

फाइजर खोपसँगै सिरिन्ज नआएकाले तत्कालका लागि स्थगित गर्नुपरेको स्वास्थ्य तथा जनसंख्या मन्त्रालयले जनाएको छ । सिरिन्ज प्राप्‍त हुनासाथ खोप कार्यक्रम सञ्चालन हुने मन्त्रालयले प्रस्ट पारेको छ ।

यसअघि काठमाडौँ, ललितपुर, भक्तपुर, काभ्रे, चितवन, सिन्धुली, डडेलधुरा र सुर्खेतमा कार्यक्रम सञ्‍चालन गर्ने कार्यक्रम तय भएको थियो । मोर्डना खोप लगाउने कार्यक्रम भने ५७ जिल्लामा पुस ४ गतेदेखि जारी छ ।