कारबाहीमा परेपछि काभानीले मागे माफी

काठमाडौं : सामाजिक सञ्जालमा रंगभेदीय टिप्पणी गरेको भन्दै इंगल्यान्ड फुटबल संघले कारबाही गरेपछि एडिसन काभानीले माफी मागेका छन् । गत नोभेम्बरमा इन्स्टाग्रामको पोस्टमा रंगभेदीय शब्द प्रयोग गरेकोमा उनलाई कारबाही स्वरुप एफएले तीन खेलका लागि प्रतिबन्ध लगाउने निर्णय गरेपछि काभानीले माफी मागेका हुन् ।

‘म एफएको कारबाही स्वीकार्छु । म यस इंगल्यान्डमा नयाँ छु त्यसकारण यहाँको चालचलनका बारेमा मलाई धेरै जानकारी छैन । म रंगभेदको पक्षमा छैन । यदि मैले कसैको चित्त दुखाएको छु भने माफी माग्‍न चाहान्छु,’ काभानीले भनेका छन् ।

यसै सिजन म्यानचेस्टर युनाइटेड आएका काभानीले एस्टन भिल्ला, म्यानचेस्टर युनाइटेड र वाटफोर्डविरध्‍दका खेल गुमाउने छन् । काभानीले तीन खेल गुमाउने बाहेक कारबाही स्वरुप एक लाख पाउण्ड जरिवाना पनि तिर्नुपर्नेछ ।