रौतहट जन्ती जीप दुर्घटनामा मृतकको संख्या ५ पुग्यो

रौतहट - रौतहटमा जन्ती बोकेको स्कार्पियो जीप दुर्घटना हुँदा मृत्यु हुनेको संख्या ५ पुगेको छ । जन्ती लिएर घर फर्किरहेको भारतीय नम्बर प्लेटको गाडी दुर्घटना हुँदा १६ वर्षीय सेख नौसाद, २२ वर्षीय सेख सैनुल्लाह, ५५ वर्षीय मारूफ मियाँ अन्सारी र २५ वर्षीय सेख छोटुको मृत्यु भएको हो ।

इलाका प्रहरी कार्यालय गरुडाका प्रहरी नायव उपरीक्षक श्रीराम भण्डारीका अनुसार मृतक सबै गढीमाइ नगरपालिका ३ निवासी हुन् । मृतक एक जनाको सनाखत हुन बाँकी छ ।

भारतीय नम्बर प्लेट बीआर०५ पीए ६९५३ को स्करपियो रौतहटको गरुडा नगरपालिका १ स्थित जयनगर सडक खण्डमा मंगलबार दिउँसो अनियन्त्रित भएर दुर्घटना भएको हो । घाइते ४ जनाको विभिन्न अस्पतारमा उपचार भइरहेको छ ।