दुर्घटनामा एकको मृत्यु, दुई गम्भीर घाइते

बुटवल- कपिलवस्तुको बाणगंगामा भएको सडक दुर्घटनामा एक जनाको ज्यान गएको छ । गएराति करिब ९ बजे कपिलवस्तुको बाणगंगा नगरपालिका बुंचीस्थित महेन्द्र राजमार्गमा भएको उक्त दुर्घटनामा अन्य दुई जना गम्भीर घाइते छन् । 

उक्त कार दुर्घटनामा परी बाणगंगा नगरपालिका पिपराका अनुराग पाण्डेको ज्यान गएको छ । उनी जितपुर ४ नम्बरमा रहेको साईन रेसुंगा डेभलपमेन्ट बैंकको साखा प्रबन्धकको रुपमा कार्यरत थिए ।

दुर्घटनामा परि गम्भीर घाईते भएका पाण्डेलाई उपचारका लागि मणिग्राम स्थित क्रिमसन अस्पताल लगिएको थियो । अस्पताल पुर्‍याइएको केहिबेरमा चिकित्सकले मृत घोषणा गरेका थिए । कारमा सवार अन्य दुईजना घाइतेको बुटवलमा उपचार भइरहेको जनाएको छ ।

उनी बा ६ च ११६४ नम्बरको कारमा सवार थिए । कारलाई सुरुमा ट्रकले ठक्कर दिएको र कार बससँग ठोक्‍किन गएको दाबी गरिएको छ । कारमा सवार अन्य २ जना सुदिप खनाल र राजेश शर्माको अवस्था पनि गम्भीर रहेको छ भने बसमा सवार ३ जना घाइते भएका छन् ।