माल्दिभ्समा के गर्दैछन् इशान र अनन्या ?

मुम्बई : फिल्म उद्योगमा जब दुई जवान कलाकार एक साथ काम गछ्र्रन्, अफेयरको हल्ला चलिहाल्छ । अनि अधिकांश समय यस्ता हल्ला सत्य पनि हुन्छन् । 
‘खाली पिली’ फिल्ममा काम गरेका इशान खट्टर र अनन्या पाण्डेको पनि सेटबाटै अफेयर सुरु भएको खबर बाहिरिएको थियो । तर, कसैले पनि पुख्ता प्रमाण भेटेका थिएनन् ।

अझ यतिबेला इशानको नाम जान्हवी कपुरसँग जोडिने गरेको थियो । ‘धडक’मा सँगै काम गरेका इशान र जान्हवी पनि गहिरोे प्रेममा रहेको चर्चा थियो । 
तर, नयाँ वर्षको पूर्व सन्ध्यामा इशान र अनन्या मुम्बई एयरपोर्टमा सँगै भेटिएका थिए । तर, मुम्बई एयरपोर्टमा भेटिनु संयोग हो कि पूर्व निर्धारित योजना धेरैले ठम्याउन सकेका थिएनन् । तर, माल्दिभ्सबाट धमाधम दुवैका फोटो सार्वजनिक हुन थालेपछि इशान र अनन्या पनि अफेयरमा रहेको अनुमान गर्न गाह्रो परेन ।

दुवैले सँगै फोटो राखेका छैनन् तर धेरै ठाउँमा आफूहरू एक अर्काको साथमा रहेको संकेत दिएका छन् । इशानले एउटा इन्स्टा स्टोरीमा अनन्यालाई कैद गरेका छन् भने अनन्याले पनि दुइटा ओछ्यानसहितको फोटो पोस्ट गरेकी छिन् । सँगै अनन्याले सन् २०२०मा प्रेम पाएको संकेत सहितको पोस्ट पनि सेयर गरेकी छिन् ।