एलिजाले साइन गरिन् दीपक श्रेष्ठको फिल्म

काठमाडौं : ‘रङ वे’ निर्देशन पछि फिल्म निर्देशनबाट टाढिएका दीपक श्रेष्ठले नयाँ फिल्म निर्देशन गर्ने भएका छन् । नाम सार्वजनिक भइनसकेको फिल्मका लागि निर्देशक श्रेष्ठले एलिजा गौतमलाई साइन गरेका छन् ।
दुई वर्ष अघि ‘अनुराग’ निर्माण गरेर नेपाली फिल्ममा प्रवेश गरेकी एलिजाले त्यो फिल्ममा अभिनय पनि गरेकी थिइन् । तर, बक्स अफिसमा फिल्मले निराशाजनक प्रदर्शन गरेको थियो । त्यसयता म्युजिक भिडियोमा स्थापित हुन संघर्ष गरेकी एलिजाले यता पनि सोचे झैं सफलता हात पार्न सकेकी थिइन् । तर, दोस्रो फिल्मबाट एलिजालाई दर्शकलाई निराश नबनाउने वाचा गरेकी छिन् ।
निर्देशक श्रेष्ठसँगको सम्झौता गरेको फोटोसँगै उनले लेखेकी छिन् ,‘ नयाँ वर्षमा नवीन कामको थालनी । दिग्गज निर्देशक दिपक श्रेष्ठज्यूको निर्देशनमा माघ १ बाट छायाकन हुने चलचित्रमा सम्झौता गरेकी छु । यहाँहरुको माया, हौसला र प्रेरणाले सदैव कलामा दत्तचित्त हुने ऊर्जा मिलिरहेको छ । वाचा गर्छु म यहाँहरुलाई निराश बनाउनेछैन ।’
लामो समयपछि निर्देशनमा फर्कन लागेका दीपक श्रेष्ठले बीचमा हिरोका लागि थुप्रै अभिनेतासँग कुराकानी गरेका थिए । यो क्रममा बिपिन कार्कीसँग भेट गरेको तस्बिर भने श्रेष्ठ स्वयंले पोस्ट गरेका थिए । तर, फिल्ममा बिपिन वा अरु कोही अभिनेता रहने निर्देशकले सार्वजनिक गरेका छैनन् ।
‘हिम्मत’, ‘पापी मान्छे २’, ‘पर्खी बसेँ’,‘दुःख’ आदि गरी २५ वटा बढी फिल्म निर्देशन गरेका श्रेष्ठ पछिल्लो समय भने फिल्म निर्देशनबाट टाढा रहँदै आएका थिए ।

टिकटक, फेसबुक–इन्स्टा रिल्स र युट्युब शर्ट्समार्फत् ‘ऊनको स्वीटर’का कलाकारहरू परी…
समापिका गौतम: ‘खेल’ मार्फत सशक्त उपस्थिति, थिएटरदेखि पर्दासम्मको यात्रामा अभिन…

‘महाभोज’का दुई नयाँ पोस्टर रिलिज, मङ्गलवार टिजर आउने

जब मध्यरातसम्म नवाजको र्यापमा झुम्यो एलओडी...

रणवीरको ‘रामायण’ पहिलो भागको सकियो सुटिङ

आमिर खानको ‘सितारा जमीं पर’ मा छन् १० प्रमुख कलाकार

मोहनलालको फिल्म ओटिटीमा आउँदै

प्रतिक्रिया