थपिए ४१९ नयाँ संक्रमित

काठमाडौँ : पछिल्लो २४ घण्टामा ४ सय १९ जनामा कोभिड-१९ को संक्रमण पुष्टि भएको छ । पाँच हजार जनामा पीसीआर परीक्षण गर्दा यती संख्यामा संक्रमण देखिएको हो । 

यो सँगै नेपालमा कोभिड संक्रमितको संख्या दुई लाख ६१ हजार ४ सय ३८ पुगेको स्वास्थ्य तथा जनसंख्या मन्त्रालयले जनाएको छ । हाल पाँच हजार ७ सय ११ जना सक्रिय संक्रमित छन् ।

पछिल्लो २४ घन्टामा छ जना कोभिड संक्रमितको मुत्यु भएको मन्त्रालयले जनाएको छ । योसँगै नेपालमा कोभिड संक्रमणबाट मृत्यु हुनेको संख्या एक हजार ८ सय ७० जना पुगेको छ ।

मन्त्रालयका अनुसार शनिबार सात सय ५० जना संक्रमणमुक्त भएका छन् । योसँगै दुई लाख ५३ हजार ८ सय ५७ जना संक्रमणमुक्त भएका छन् ।