शुक्रबार २२ चैत, २०८१
Friday, April 04, 2025

एघार ठाउँमा ११ व्यक्ति मृत फेला

काठमाडौं - कीर्तिपुर नगरपालिका–४ स्थित टहरामा बंगुर फारममा काम गर्ने ताप्लेजुङ श्रीजंगा गाउँपालिका–५ घर भएका २३ वर्षीय पदमबहादुर लिम्बु आफ्नै टहरामा शनिबार मृत अवस्थामा फेला परेका छन् । त्यसरी भक्तपुर, मध्यपुरथिमी नगरपालिका–८ बोड गाँखु बस्ने काभ्रेपलाञ्चोक भगवती गाउँपालिका घर भएका ३४ वर्षीय देवराज थापा आफ्नै घरको कम्पाउण्डमा लगाएको फलामको रेलिङमा शनिबार मृत अवस्थामा फेला परेका छन् ।

दैलेखको नारायण नगरपालिका–७ किमिगा बस्ने ६३ वर्षीय नरबहादुर रावत आफ्नै घरमा शुक्रबार मृत अवस्थामा फेला परेका छन् । झापाको हल्दिबारी गाउँपालिका–२ पशुपतिचोकका २१ वर्षीय रोहित टुडु आफ्नै घरमा शुक्रबार मृत अवस्थामा फेला परेका छन् ।

रुकुम (पश्चिम), बाफीकोट गाउँपालिका–९ बस्ने २६ वर्षीया कमला खनाल आफ्नै घरमा शुक्रबार मृत अवस्थामा फेला परेकी छन् । अस्थायी प्रहरी पोष्ट नखेतबाट र जिल्ला प्रहरी कार्यालयबाट खटिएको प्रहरीले मृतकको श्रीमानलाई आवश्यक अनुसन्धानका लागि नियन्त्रणमा लिएको छ । 

बाँके, खजुरा गाउँपालिका–३ चोकस्थित एक होटलको दोस्रो तल्लाको २ नम्बर कोठामा नेपालगंज उपमहानगरपालिका–१८ कारकाँदो बस्ने २५ वर्षीय सरोज क्षेत्री शनिबार मृत अवस्थामा फेला परेका छन् । 
यसैगरी बाँके, राप्ती सोनारी गाउँपालिका–७ पिप्रहवास्थित राप्ती नदीमा हाल नाम, थर, वतन, नखुलेका पुरुष शनिबार मृत अवस्थामा फेला परेका छन् ।

लम्जुङ, राईनास नगरपालिका–८ देविथानस्थित बाटोको नालीमा त्यही नगरपालिका–९ बगुवाका ५० वर्षीय पलमान गुरुङ शनिबार मृत अवस्थामा फेला परेका छन् । पर्वत, कुश्मा नगरपालिका–१ राजाको बगरस्थित कालिगण्डकी नदीमा बाग्लुङ, बाग्लुङ नगरपालिका–६ लमगाउँ बस्ने ५१ वर्षीय बल बहादुर थापा शनिबार मृत अवस्थामा फेला परेका छन् ।

नवलपरासी(पूर्व), गैंडाकोट नगरपालिका–१० भैँसाखोरीस्थित नारायणी नदीको बगरमा अन्दाजी ३० वर्षीया महिला शनिबार मृत अवस्थामा फेला परेकी छिन् । जसको हाल नाम, थर, वतन खुल्न सकेको छैन । धादिङ, धुनिबेशी नगरपालिका–६ नौबिसेस्थित खेतमा हाल नाम, थर, वतन, नखुलेका अन्दाजी ४५ वर्षीय पुरुष शुक्रबार मृत अवस्थामा फेला परेका छन् ।