उकालो लाग्दै कोभिड संक्रमितको संख्या, मंगलबारमात्रै थपिए ३९३ जना

फाइल तस्बिर

काठमाडौँ- मंगलबार देशभर ३ सय ९३ कोभिड संक्रमित थपिएका छन् । स्वास्थ्य तथा जनसंख्या मन्त्रालयकाअनुसार ९ हजार ३ सय २९ जनाको कोभिड परीक्षण गरिएको थियो । पीसीआरबाट ३ सय ५५ र एन्टीजेन्ट विधिबाट ३८ जनामा कोभिड पुष्‍टि भएको छ ।

सोमबार ३२६, आइतबार २१६ र शनिबार मात्र ३८२ जनामा कोभिड पुष्‍टि भएको थियो । पछिल्लो २४ घण्टामा २ सय ६३ जना संक्रमणमुक्त भएका छन् । हालसम्म ८ लाख १२ हजार ९३७ जना संक्रमणमुक्त भइसकेका छन् । आज ३ जनाको मृत्यु र हालसम्म ११ हजार ६०१ जनाको मृत्यु भएको छ ।

देशभर संक्रमित ५ हजार ९४ र २४ घण्टामा ३ लाख १६ हजार ७७४ जनाले कोभिडविरुद्धको खोप लगाएका छन् । आईसीयूमा ८८ र भेन्टीलेटरमा २५ जना उपचाररत छन् । होम आईसोलेसनमा ४ हजार ८३४ र संस्थागत आईसोलेसनमा २६० र क्वारेन्टाइनमा ९८ जना छन् ।