पत्नी सीतालाई उपचार गराउन दाहाल आज भारत जाँदै

फाइल तस्बिर

काठमाडौँ  : नेकपा अध्यक्ष पुष्पकमल दाहाल पत्‍नी सीताको उपचारका लागि आज भारत जाँदैछन् । केही दिनदेखि राजधानीको मेडिसिटी अस्पतालमा उपचारार्थ रहेकी सीतालाई ११ बजेको उडानबाट भारतको मुम्बई लैजान लागिएको हो । दाहालको निजी सचिवालयका अनुसार सीता एक्लै जान नमानेकाले दाहाल भारत जान लागेका हुन् । 

यसअघि अमेरिका उपचारमा पनि श्रीमानसँग उपचारमा गएकी दाहाल पत्‍नी सीताले दिल्ली पनि सँगै जाने चाहना राखेकी थिइन् । उनको साथ छोरी गंगा पनि हुनेछिन् । दाहालले यहाँको राजनीतिक परिस्थितिको कारण देखाएर नजान खोजेका थिए । तर सीताले नमानेपछि दाहाल जान लागेका हुन् । 

सीता पार्किन्सन जस्तो देखिने प्रोग्रेसिभ सुपरान्युक्लियर पाल्सी (पी.एस.पी)बाट लामो समयदेखि पीडित छिन् ।