दाताबाट प्राप्त न्यानो कपडा मकवानपुर प्रशासनद्वारा विपन्नलाई प्रदान

काठमाडौँ – जिल्ला प्रशासन कार्यालय मकवानपुरले चिसो (जाडो)को जोखिममा परेकाहरूलाई न्यानो कपडा वितरण गरेको छ । जिल्ला विपद् व्यवस्थापन समिति, मकवानपुरलाई विभिन्न दाताबाट प्राप्त भएको चारसय थान कम्बल, तीनसय जान ज्याकेट र एकसय थान न्यानो पछ्यौरी चिसोको जोखिममा रहेकाहरूलाई वितरण गरेको जिल्ला प्रशासन कार्यालय मकवानपुरले जनाएको छ । 

चिसोको जोखिममा रहेका जिल्लाको विकट पहाडी क्षेत्र राक्सिराङ्ग र कैलाश गाउँपालिकाका अति विपन्न चेपाङ र दलित समुदायका व्यक्तिहरूलाई वितरण गरिएको हो ।  

प्रमुख जिल्ला अधिकारी एवं जिल्ला विपद् व्यवस्थापन समितिमा अध्यक्ष भरतमणि पाण्डेको नेतृत्वमा सुरक्षा निकायका प्रमुखहरू समेतको सहभागितामा गाउँपालिकाका जनप्रतिनिधिहरूको समन्वय एवं सहजीकरण र सम्बद्ध विभिन्न सहयोगी निकायहरूको संलग्नतामा आज न्यानो कपडा प्रदान गरिएको हो । राक्सिराङ्ग र कैलाश गाउँपालिकामा २००रद्दण्ण् थान कम्बल, १५०रज्ञछण् थान ज्याकेट र ५०रछण् थान न्यानो पछ्यौरी विवतरण गरियो ।