माओवादी अध्यक्ष दाहाललाई कोभिड संक्रमण

फाइल तस्बिर

काठमाडौँ- नेकपा माओवादी केन्द्रका अध्यक्ष पुष्पकमल दाहाललाई कोभिड संक्रमण भएको छ । शुक्रबार साँझ पीसीआर परीक्षण गर्दा दाहाललाई कोभिड पोजेटिभ देखिएको हो ।

उनको सचिवालयका अनुसार स्वास्थ्य अवस्था सामान्य रहेको छ । डाक्टरको सल्लाह अनुसार आइसोलेशनमा बस्नुपर्ने भएकोले पूर्वनिर्धारित सम्पुर्ण कार्यक्रमहरु स्थगित गरिएको सचिवालयले जनाएको छ । दाहालको सम्पर्कमा रहेका सबैले सतर्कता अपनाउन सचिवालयले अनुरोध गरेको छ ।

'अध्यक्ष कमरेड प्रचण्डको स्वास्थ्यमा केहि असहजता देखिएकोले हिजो बेलुकी पीसीआर परीक्षण गर्दा कोरोना पोजेटिभ देखिएको छ । उहाँ अहिले आफ्नै निवासमा स्वास्थ्यलाभ गरिरहनु भएको र स्वास्थ्य अवस्था सामान्य छ । यो बीचमा उहाँको सम्पर्कमा रहनु भएका सबैले सतर्कता अपनाउनुहुन अनुरोध गर्दछौं । डाक्टरको सल्लाह अनुसार आइसोलेशनमा बस्नुपर्ने भएकोले पूर्वनिर्धारित सम्पुर्ण कार्यक्रमहरु स्थगित गरिएको जानकारी गरउँदछौं । धन्यबाद !!'