कोरोनाले एकै रातमा तीन जनाको मृत्यु

बुटवल : बाँकेमा एकै रात ३ जना कोरोना संक्रमितको मृत्यु भएको छ । नेपालगन्ज मेडिकल कलेज कोहलपुरमा २ जना र भेरी अस्पताल नेपालगन्जमा १ जना कोरोना संक्रमितको मृत्यु भएको बाँकेका प्रमुख जिल्ला अधिकारी रामबहादुर कुरुङम्वाङले जानकारी दिएका छन् ।

दाङबाट उपचारका लागि नेपालगन्ज मेडिकल कलेज कोहलपुर भर्ना रहेका १३ वर्षीय बालक र कञ्चनपुरबाट उपचारका लागि आएका एक जना पुरुष सहित २ जना तथा भेरी अस्पताल नेपालगन्जमा उपचाररत जानकी गाँउपालिकाका ६८ वर्षीय एक जना गरि ३ जनाको मृत्यु भएको प्रमुख जिल्ला अधिकारी कुरुम्वाङले बताए ।

बाँकेमा उपचाररत जिल्ला बाहिरका ८० जना कोरोना संक्रमितको मृत्यु भएको छ भने बाँकेमा हालसम्म मृत्यु हुनेको संख्या ४८ पुगेको छ ।