लागुऔषधसहित चार जना पक्राउ

काठमाडाैँ – बाँकेमा लागुऔषधसहित चार जना पक्राउ परेका छन् ।

पक्राउ पर्नेमा बैजनाथ गाउँपालिका-३ बस्ने ६४ वर्षीय रामचरण थारु, २५ वर्षीय सुरज थारु, २७ वर्षीय ध्रुव कुमार थारु र ३६ वर्षीय सुन्दर राम थारु रहेका छन् ।

कोहलपुर नगरपालिका-११ बस्ने बिरेन्द्र थारुको घरबाट ५ सय ९० मिलिग्राम अवैध लागुऔषध ब्राउनसुगर जस्तो देखिने धुलो पदार्थसहित ४ जनालाई सोमबार राति प्रहरीले पक्राउ गरेको हाे ।

बिरेन्द्र थारुको घरमा लागुऔषध ब्राउनसुगरको कारोबार भइरहेको भन्ने सूचनाको आधारमा इलाका प्रहरी कार्यालय कोहलपुरबाट खटिएको प्रहरीले तलासी गर्दा उनीहरुलाई उक्त पदार्थसहित फेला पारी पक्राउ गरेको हो । प्रहरीले यस सम्बन्धमा थप अनुसन्धान गरिरहेको छ ।