‘मिसन इम्पोसिबल’का दुवै शृंखलाको प्रदर्शन स्थगित

लसएन्जल्स - टम क्रुजले दुनियाँलाई खतराबाट बचाउन गर्ने संघर्षको कथा हेर्न अझै दुई वर्ष कुर्नपर्ने भएको छ । निर्माण कम्पनी प्यारामाउन्ट पिक्चर्सले दुवै शृंखला पूर्व निर्धारित समयमा प्रदर्शन नहुने घोषणा गरेको छ । 

जासुसी कथामा टम क्रुजलाई मुख्य भूमिकामा लिएर प्यारामाउन्टले दुई शृंखलाको एक साथ सुटिङ सकाएको थियो । त्योमध्ये ७ औँ शृंखला यही सालको सेप्टेम्बर ३०मा प्रदर्शनमा आउने कार्यतालिका थियो । तर टम क्रुजले यो फिल्म सन् २०२३ को जुलाई १४ मा प्रदर्शन गर्ने घोषणा गरेका छन् । यसैगरी आठौँ भाग भने सन् २०२४ को २८ जुनमा प्रदर्शन हुनेछ । यसअघि यो फिल्म सन् २०२३को जुलाई ७ मा प्रदर्शन हुनेवाला थियो । 

पहिलो महामारीका बीच यो फिल्मको सुटिङ विश्वका विभिन्न ठाउँमा भएको थियो । ‘मिसन इम्पोसिबल’का सिरिज सरे पनि दर्शकले यो साल टम क्रुजलाई टप गनमा भने देख्न पाउनेछन् । अहिलेसम्म यो फिल्म भने मे २७ मा प्रदर्शन हुनेवाला छ । यो फिल्मलाई पनि टम क्रुज र प्यारामाउन्ट मिलेर बनाएका हुन् । यो फिल्म सन् २०१९ जुलाई १२ मा प्रदर्शन हुने कार्यतालिका थियो ।