ओखलढुंगामा गुडिरहेको जीपमाथि ढुंगा खस्यो, तीनजनाको मृत्यु

काठमाडौं  - ओखलढुङ्गामा गुडिरहेको बोलेरो जीपमाथि झरेको ढुङ्गाले किच्दा ३ जनाको मृत्यु भएको छ। मानेभन्ज्याङबाट ओखलढुंगातर्फ गइरहेको को १ ज ३५६९ नम्बरको बोलेरोमा जीपमा सडक निर्माण गर्दै गरेको ठाउँबाट खसेको ढुङ्गाले किच्दा सवार ३ जनाको मृत्यु भएको जिल्ला प्रहरी कार्यालय ओखलढुंगाले जनाएको छ।

दुर्घटनामा सिद्धिचरण नगरपालिका-१ का ७ वर्षीय युनिषा कोइराला, सोही ठाउँका १० वर्षीय इशव कोइराला र मानेभञ्ज्याङ गाउँपालिका-१ का ३० वर्षीय हेमबहादुर मगर रहेको प्रहरी निरीक्षक उद्धव पोखरेलले जानकारी दिए । पोखरेलका अनुसार जीपमा सवार तीन जना घाइते भएका छन् । घाइतेमध्ये दुईजनाको अवस्था गम्भीर छ ।