व्यवस्था नै धरापमा पर्ने त होइन ?

काठमाडौं : प्रमुख प्रतिपक्षी दल नेपाली कांग्रेसकी सांसद् तारादेवी भट्टले राष्ट्रिय सभामा बैठकमा नेपाल कतातिर गइरहेको छ भन्ने प्रश्न उठाएकी छन् । हिउँदे अधिवेशनको तेस्रो बैठकलाई सम्बोधन गर्दै शुक्रबार भट्टले व्यवस्था नै धरापमा पर्ने त होइन भन्ने प्रश्न उठाएकी हुन् ।  

 'हामी कतातिर गइरहेका छौं, हाम्रा क्रियाकलापले व्यवस्था नै धरापमा त पर्ने होइन ? डराउनुपर्ने अवस्था आएको छ', उनले भनिन् ।

नेकपा सरकारलाई जनताले पाँच वर्षको म्यान्डेट दिएको भट्टले प्रष्ट पारिन् । 'जनताले नेकपाको सरकारलाई पाँचा वर्षको लागि फ्रेस म्यान्डेट दिएकै हो, यहाँ प्रश्न के खडा भएको छ भने आफ्ना सहयात्री र पार्टीभित्र समस्वय गर्न नसक्नेले विदेशमा कसरी कुटनीति कायम गरेका होलान् ?', उनले प्रश्न गरिन्,'जनताका लागि काम नगर्ने सरकार यो कसको सरकार हो ?'