उपत्यकामा थपिए ६ हजार १७२ जना कोभिड संक्रमित

काठमाडौँ – उपत्यकामा आज ६ हजार १७२ जना कोभिड संक्रमित भेटिएका छन् । स्वास्थ्य तथा जनसंख्या मन्त्रालयको विवरणअनुसार देशभर १२ हजार आठ जना कोभिड संक्रमित भेटिँदा उपत्यकामा ६ हजार १७२ जना संक्रमित भेटिएका हुन् ।

आज काठमाडौँमा ४ हजार ८७५ जना, ललितपुरमा ७८२ र भक्तपुरमा ५१५ जना रहेका छन्। हाल काठमाडौंमा  ४१ हजार ६३३ जना, ललितपुरमा ९ हजार ६६८ जना र भक्तपुरमा ५ हजार ५८१ जना सक्रिय संक्रमित रहेका छन्।  देशभर कोभिड संक्रमितको दर बढ्दो छ ।