नेकपा सम्धी र छोरीबुहारीको पार्टी होइन : ओली

कैलाली : प्रधानमन्त्री केपी शर्मा ओलीले नेकपा सम्धी र छोरीबुहारीको पार्टीमात्र नभएको बताएका छन्। धनगढीमा आयोजित सभालाई सम्बोधन गर्दै उनले नेकपा नातागोताको नभएर जनताको पार्टी भएको बताए ।

 पुष्पकमल दाहाल’–माधव नेपाल समूहलाई लक्षित गर्दै उनले भने, ‘छोरीबुहारी, सम्धी, सालासालीको पार्टी होइन यो। कोही चोइटिएर जाँदैमा नेकपा सकिदैन ।’

सुदूरपश्चिमलाई कसैले पनि पछाडि पार्न नसक्ने प्रधानमन्त्री ओलीको भनाइ छ । सुदूरपश्चिमका सम्पूर्ण समस्याबारे आफूलाई जानकारी भएको बताउँदै उनले विगतमा पछाडि परेको सुदूरपश्चिमर्ला अब कसैले पछाडि पार्न नसक्ने बताए । उनले सुदूरपश्चिमको विकासका लागि थुप्रै योजना बनाएको बताए ।