दाहाल–नेपाल समूहले बुझायो प्रधानमन्त्रीलाई संविधान र विरोधपत्र

काठमाडौं : संसद विघटनविरुध्दमा नेकपा दाहाल–नेपाल समूहले देशैभरका जिल्ला प्रशासन कार्यालयमार्फत प्रधानमन्त्री केपी शर्मा ओलीलाई संविधान र विरोधपत्र पठाएको छ । नेकपा दाहाल–नेपाल समूहले गठन गरेको केन्द्रीय संघर्ष समितिले शुक्रबार ७७ वटै जिल्ला प्रशासन कार्यालयमार्फत प्रधानमन्त्री केपी शर्मा ओलीलाई प्रतिनिधि सभा विघटनविरुद्धमा विरोध पत्र र नेपालको संविधान–२०७२ पठाएको हो । 

काठामाडौं जिल्ला प्रशासन कार्यालयमा जुलुससहित पुगेको जिल्ला कमिटीले प्रधानमन्त्री ओलीलाई संविधानको पुस्तकसहित विरोधपत्र बुझाएको छ । नेकपा काठमाडौं जिल्ला कमिटीका इन्चार्ज सावित्रा भूसालले केन्द्रीय संघर्ष समितिको आयोजनामा प्रधानमन्त्री ओलीलाई विरोधपत्र र नेपालको संविधान बुझाइएको बताइन् ।
संविधानको पुस्तक पठाउन नेताहरू प्रतिनिधि सभा विघटनको असंवैधानिक कदमविरुद्धमा संघर्ष गरौं लेखिएको ब्यानरसहित काठमाडौं जिल्ला प्रशासन कार्यालय पुगेका थिए ।