अस्ट्रेलियन ओपन: बार्टी फाइनलमा

न्युज कारखाना

काठमाडौं, १३ माघ 

विश्व नम्बर एक आस्ले बार्टी वर्षको पहिलो ग्रान्डस्लाम अस्ट्रेलियन अ‍ोपनको फाइनलमा पुगेकी छन् ।

बिहीबार मेलबर्न पार्कमा भएको सेमिफाइनलमा विश्व वरियताको ५१औं स्थानकी अमेरिकी खेलाडी म्याडिसन किजलाई ६–१ ६–३ को सोझो सेटमा पराजित गर्दै फाइनलमा स्थान बनाएकी हुन् ।

दुई पटककी ग्रान्डस्लाम च्याम्पियनसमेत रहेकी बार्टी यसअघि सन् २०२० मा अस्ट्रेलियन अ‍ोपनको सेमिफाइनलसम्म पुगेकी थिइन् । त्यसयता २०२१ मा क्वार्टरफाइनलबाट बाहिरिएकी बार्टीले गत वर्ष विम्बलडनको उपाधि उचालेकी थिइन् ।

बार्टीले फाइनलमा घरेलु कोर्टमा पहिलो ग्रान्डस्लाम जित्नका लागि इगा स्वान्टेक र ड्यानिल कोलिन्सबीचको विजेतासँग खेल्नेछिन् ।