२४ घण्टामा ५ लाख बढीले लगाए खोप

फाइल तस्बिर

काठमाडौँ- देशभर २४ घण्टामा ५ लाख १३ हजार ५१ जनाले कोभिडविरुद्धको खोप लगाएका छन् । शुक्रबार स्वास्थ्य तथा जनसंख्या मन्त्रालयका अनुसार ५ लाख बढी कोभिडविरुद्धको खोप लगाएका छन् ।

खोप अभियान सुरु भएदेखि हालसम्म कुल ३ करोड ३२ लाख ३७ हजार ८९० मात्रा खोप लगाएको मन्त्रालयले जनाएको छ ।

पहिलो मात्रा १ करोड ७४ लाख ९५ हजार ४९४ जनाले लगाएका छन् । दोस्रो मात्रा १ करोड ५१ लाख ८३ हजार ४४६ जनाले लगाइसकेका छन् । अतिरिक्त ५ लाख ५८ हजार ९५० जनाले लगाइसकेका छन् ।

हालसम्म ४ करोड ५७ लाख ८ हजार ६४० मात्रा खोप विभिन्न मुलुकबाट प्राप्‍त भइसकेको छ ।