नागरिकले सहजै स्वास्थ्य सेवा पाउने बनाउँछौँ : स्वास्‍थ्‍यमन्त्री लामा

सिन्धुपाल्चोक : इन्द्रवाती गाउँपालिकामा १५ शैय्याको अस्पताल उद्घाटन भएको छ । नवनिर्मित नवलपुर प्राथामिक अस्पताल आइतबार एक कार्यक्रमबीच समुद्घाटन भएको हो । बागमती प्रदेशका स्वास्थ्यमन्त्री निमा लामाले अस्पतालको उद्घाटन गरेका हुन् ।

उद्घाटन कार्यक्रममा मन्त्री लामाले नागरिकको स्वास्थ्य नै पहिलो प्राथमिकता रहेको बताएका छन् । हरेक नागरिकलाई स्वास्थ्यको पहुँमा पु¥याउनु अहिलेको सरकारको पहिलो प्र्राथमिकता रहेको पनि उनले बताए ।

बागमती प्रदेशका हरेक स्थानीय तहहरुमा जतिसक्दो छिटो, सरल र सहज रुपमा नागरिकले स्वास्थ्योपचार पाउने बनाउन अहिलेको सरकार लागिपरेको पनि उनले बताएका छन् । आगामी दिनमा हरेक नागरिकलाई स्वास्थ्यको पहुँमा पु¥याउने प्रतिबद्धता समेत उनले व्यक्त गरेका छन् । 

उद्घाटन कार्यक्रमको अवसरमा बोल्दै गाउँपालिका अध्यक्ष वशंलाल तामाङले इन्द्रावतीका १२ वटै वडाहरुमा आधारभुत स्वास्थ्य सेवा पाउने वातावरण बनेको बताएका छन् ।  प्रदेश सरकारको ५ करोड ७३ लाख र गाउँपालिकाको २८ लाख बजेटबाट निर्मित अस्पतालमा समुदघाटन गरिएको छ । १५ शैयाको क्षमता रहेको अस्पतालमा ३९ वटा कोठा छन् ।