सोमबार देशभर ६१४६ संक्रमित निको, १३ जनाको मृत्यु

फाइल तस्बिर

काठमाडौँ- सोमबार देशभरबाट ६ हजार १४६ जना कोभिड-१९ संक्रमणबाट मुक्त भएका छन् । स्वास्थ्य तथा जनसंख्या मन्त्रालयकाअनुसार हालसम्म ९ लाख १५ हजार ४८९ जना संक्रमणमुक्त भइसकेका छन् ।

२४ घण्टामा १ हजार ५७० संक्रमित थपिएका छन् । आज ११ हजार ३६५ जनाको कोभिड परीक्षण भएको थियो ।

त्यसैगरी कोभिड संक्रमणका कारण १३ जनाको मृत्यु भएको छ । २४ घण्टामा १ लाख ७८ हजार ५७९ जनाले खोप लगाएका छन् ।

देशभर सक्रिय संक्रमित ४० हजार १११ जना छन् ।